البنات ... البنات اجمل الكائنات
واللى ماخلفش بنات معرفش طعم الحنيه ولا داق طعم الحلويات
رغم ان معظم ان لم يكن كل الناس بتفرح بخلفة الصبيان لكن البنات فى البيت مثل الحلويات
بتحلى العيشة معاهم وتفرح بيهم
ولما تكبر تلاقى حنيتهم محوطاك فى كل حاجة
حتى لو البنت اتجوزت ... تفضل تبر ابوها وامها وتشيل همهم وتخدمهم لو احتاجوا لها
وتودهم وتزورهم
بعكس الولد الذى لما يتزوج .. تقل تدريجيا زيارته لابوه وامه وتجده يحتاس لو حد فيهم مرض واحتاج خدمة شاقة ( اكل وتنظيف واستحمام وغسيل )
الا فيما ندر من الابناء الذكور الذين ساعات بيكون الواحد منهم اجدع من الف بنت
ولكن النماذج دى بتكون قليلة قوى وفى حكم النادر
لكن معظم البنات بتكون جدعة قوى مع والديها لما بيكبروا وتخدمهم بعنيها
وزمان قالوا :
اللى خلف بنت .. اتفتح له بيت
واللى خلف ولد....اتقفل قصاده بيت
والبنات اولهم شماتة واخرهم حسد
يعنى لما الواحدة تكون خلفتها بنات تشمت فيها عدواتها ولكن لما يكبروا ويرفرفوا حول امهم نفس من شمت فيها فى السابق يحسدها على انجابها البنات لما بيقارنوهم بما يفعله معهن اولادهن الذكور.
وربنا يرزقكم كلكم بالبنات والصبيان
ليست هناك تعليقات:
إرسال تعليق