دائما ما نسمع ان اختلاف الراى لا يفسد للود قضية
ولكن الحقيقة انه يفسد للود ألف قضية وقضية
لو تشوف ازاى الناس بتتكلم مع بعض فى قضايا سياسية او اجتماعية اوحتى لو اثنين ستات بيتناقشوا فى كيفية عمل الملوخية مثلاوكل واحدة مصممة ان طريقتها افضل وأطعم من زميلتها
وتبقى قضية كبيرة لو الاثنين صمموا على رأيهم دون اى تنازل من أى منهما لأن كل واحدة بتعتقد ان زميلتها بتسخف منها وتتهمها ضمنيا بأنها خايبة
للاسف ...النقاش الهادئ والديمقراطية وحرية الرأى ...كلها مصطلحات لا وجود لها على ارض الواقع
ازعل كثيير لما الاقى اثنين اصدقاء وزملاء ويخسرون بعض بسبب نقاش ما او وجهة نظر مختلفة
ساعتها يعلو الصوت
ويحمر الوجه
وتبدأ الايدى فى التحرك يمينا وشمالا
واحيانا لما يسخن الجو قوى يتبادلان الشتائم بينهما .. على شاكلة:
انت حمار ما بتفهمش
يعنى انت اللى فاهم ..ده انت عبيط
انت جاهل
..... وهكذا
كثير جدا الواحد بيبقى على حق وعايزة اوضح وانصح للطرف الثانى خطأ رأيه ولكنى التزم الصمت منعا لحدوث مشاجرة خاصة لو كنت اعلم ان الذى امامى لا يسمع سوى رأيه فقط
نفسى ترجع المناقشات هادية وجميلة وفيها تبادل للاراء والخبرات ووجهات النظر دون تحيز او تعصب
ليست هناك تعليقات:
إرسال تعليق