اصطحاب الاطفال الى السوق عبارة عن مغامرة غير محسوبة العواقب
فلا بد من تضع فى حسابك ان أمة لا اله الا الله سوف تتفرج عليك انت واطفالك وسوف تسمع صوت صراخك عليهم وانت بتدور على حد منهم غافلك وراح فى مكان غير اللى انت فيه
وعلشان كده كثير من الاباء والامهات يتركون اطفالهم فى البيت مع جدتهم اوقريبتهم ولا يسمحون لهم بالتسوق معهم
ولكن دعونا نفكر فى الامر من كل الجوانب:
علماء النفس يشجعون الوالدين لاصطحاب اطفالهم الى السوق لما فيه من تعزيز العلاقة الاجتماعية بينهم واسعاد للاطفال وجعلهم يشاركون فى عملية التسوق مما يزيد من ثقتهم بأنفسهم.
كلام جميل جدا نظريا ولكن عمليا كيف؟؟؟؟؟؟
اليك بعض النصائح لو اصطحبت اطفالك الى السوق:
1-لا تروح السوق واطفالك جائعون . بل لا بد من تغزيتهم قبل التسوق حتى لا يشبطوا فى الشيكولاتات والدوناتسو البسكوتات .......الخ
وبكده تلاقى نفسك بتشترى حاجات مش فى قائمة المشتروات اللى انت محدده قبل التسوق.
2- يفضل اعطاء الطفل ساندويتش او قطعة كيك او تفاحة او حتى عصير بيديه قبل التسوق حتى يتلهى فيها اكثر .
3- يفضل التسوق فى اوقات تقل فيها اعداد الناس المتواجدين بالسوق حتى يكون عدد اللى يتفرج عليك اقل لو حدث شئ سخيف من اولادك كما تتوقع.
4- يفضل قبل التسوق ان تتكلم مع الاطفال وتبين لهم ان انتم رايحين السوق لشراء كزا وكزا وبالتالى غير مسموح بأى مخالفة اخرى لقائمة المشتروات المحددة مسبقا.واجعلهم يساعدونك فى عملية الشراء من خلال مناولتك لسلعة ما على الارفف التى امامهم فده هايشعرهم بالسعادة وبأنهم كبروا خلاص.
5- لا بد من ان تعرف ان الاطفال مهما قالوا قبل السوق مش هانطلب حاجة الا انهم فى السوق سينسون كل العهود والمواثيق اللى اخدتها عليهم, علشان كده لازم ترضخ لطلباتهم ولكن بشروط وهى ان تشترى شئ واحد فقط لكل منهم واتركهم يختارونه بأنفسهم.
6- امسك بيد اطفالك جيدا وانت تتسوق كما تمسك بمحفظة نقودك ويا ريت لو اصطحبت شخص اخر معك ليساندك فى تلك المهمة القومية.
7- واخيرا رؤية الفرحة فى عيون اطفالنا بعد الرجوع الى المنزل وهم يمسكون العابهم او حلواهم التى اشتريناها لهم تحت تهديد الفضيحة بين الخلق فى السوق تساوى كنوز الدنيا وتجعلنا لا نتوقف عن اصطحابهم للسوق مرة اخرى
ليست هناك تعليقات:
إرسال تعليق