لا حظت فى البرامج التليفزيزنية التى تعنى بالطبخ وايضا المواقع الالكترونية : انها عند وصف كيفية وصف صنع المربى انها تضاعف من حجم السكر بالنسبة للفاكهة أو على افضل تقدير تعادل بين وزن الفاكهة وكمية السكر
وعلشان كده اكيد بتكون المربى التى يتم صنعها كثيرة السكر جدا لدرجة ان اللى يأخد ملعقة منها أكيد مش هايقدر يأخد التانية
واعتقد ان السبب فى صنعهم للمربى بهدا الشكل انهم يريدينها ان تربط بسرعة اى يتم طهيها وتماسكها فى وقت قصير
ولكن انا باعمل المربى بطريقة اقل فى السكر . صحيح تأخد منى وقت اطول لكن النتيجة اجمل بكثير
هاقولكم الطريقة العامة لصنع المربى( سواء: فراولة-مشمش-خوخ-تين)
1- يتم طبعا غسل الفاكهة وازالة البزور منها لو كانت مشمش او خوخ
2- يتم وضعها فى حلة كبيرة وتغطيتها بالسكر حسب المعادلة الاتية
وزن السكر =نصف وزن الفاكهة
يعنى لو عندك 2 كيلو فراولة تضعى عليهم كيلو واحد من السكر
3- نترك الفاكهة مع السكر بدون وضعها على النار لفترة لا تقل عن ساعة حتى ينزل منها عصيرها
4- نضع الحلة على النار وعندما يغلى المزيج نضيف عصير ليمونة مع التقليب المستمر
5- نهدى النار على الحلة حتى لا تحترق المربى مع التقليب كل فترة .
6- لمعرفة تمام نضج المربى : نقوم بأخد ملعقة صغيرة منها ووضعها على صحن جاف ونتركها حتى تبرد قليلا ونحرك الصحن يمينا ويسارا للتأكد من انها لا تنزلق عليه بسهولة
وعندها نطفئ النار ونتركها تبرد ونقوم بتعبئتها فى البرطمانات الزجاجية
وبالهنا والشفا
ليست هناك تعليقات:
إرسال تعليق