الاجهزة الكهربائية لا غنى عنها ابدا فى كل بيت
وخصوصا العروسة فهى تقعد تلف وتسأل عن الاسعار والماركات واحيانا فى زحمة المطلوبات وضيق الامكانيات تتدبس وتأتى بأشياء لا تنفعها بعد كده
تعالوا نبدأ مع بعض ازاى نشترى الاجهزة الكهربائية:نفترض مثلا انى هاشترى بوتاجاز:
1-اسأل الجارات والمعارف عن نوع البوتاجاز اللى عند كل واحدة منهم وطبعا اسألها عن عيوب ومميزات كل نوع . اكيد هلاقى ان هناك نوع معظمهم اجمعوا عليه ومميزاته كثيرة ساعتها احدد نوع البوتاجاز اللى هاشتريه.
2- احدد حجم البوتاجاز( 4شعلة-5شعلة-6شعلة- فرنه بهواية ... الخ)
ودايما اعمل حساب المستقبل بأنا لن اظل اطبخ لشخصين على طول .ان شاء الله ربنا هايرزقنى بأطفال وساعتها هاحتاج لبوتاجاز 10 شعلة هاهاها
ولكن هايقيدنى هنا شيئين : المبلغ المخصص لشراء البوتاجاز + مساحة وجوده فى المطبخ
ولوكان البوتاجاز اللى نفسى اشتريه حجمه كبير ومساحة المطبخ صغيرة ساعتها لازم اتنازل شوية عن حجم احلامى.
3- أسأل عن افضل معرض يبيع البوتاجاز ويكون له سمعة طيبة ولو عرفت أشترى البوتاجاز من المصنع المنتج له او حتى الوكيل الخاص بالبيع سيكون افضل بالتأكيد . لان سلعتها لو كان به اى عيوب صناعية أكيد هايغيروه لك او على الاقل هايصلحوه.
4- التأكد من انى احصل على شهادة الضمان الخاصة به ورقم تليفون مركز الصيانة المختص باصلاح البوتاجاز لو حدث له اى مشكلة مستقبلا.
طبعا هاتقولوا كل ده علشان اشترى بوتاجاز؟؟؟؟؟؟؟
طبعا لان الاجهزة الكهربائية مش بنشتريها كل يوم وعلشان كده تسمى : السلع المعمرة
وعلشان لا نهدر اموالنا ونحتاج بعد فترة قصيرة ان نشترى غيرها.
ونقيس على ده باقى الاجهزة
وربنا يتمم بخير
ليست هناك تعليقات:
إرسال تعليق