لليوم الرابع ان شاء الله تعالى هانعمل مع بعض بطاطس محشية باللحمة المفرومة
وهى اكلة سهلة وخفيفة وتقدم مع ارز ابيض وسلطة خضراء
واليكم المقادير
1/2 ك بطاطس صغيره طبعا البطاطس متوفرة فى السوق على طول
1/4 ك لحمه مفرومه
2 بصله متوسطه مفرومة + ملعقة ثوم مفروم
1 كوب عصير طماطم
1 كوب من شوربه دجاج او لحم
ملح وفلفل وبهارات لحمة
شرائح طماطم +بصل+فلفل رومى
الطريقه:
قشرى البطاطس وقوريها
شوحى البصل مع معلقة سمن او زيت وعصجى اللحم بالملح والفلفل والبهارات
ثم نضيف عصير الطماطم والثوم المفروم
عند نضوج اللحم اتركيه ليبرد قليلا واحشى بيه البطاطس
نضع فى صينية الخبز البطاطس المهرودة الناتجة من التقوير ومعها دوائر طماطم وفلفل رومى وبصل ثم نرص البطاطس فى الصينيه
و نسكب عليها كوب الشوربة وممكن الاستغناء عن الشوربة بعصير طماطم عليه رشة ملح وفلفل اسود حتى تعطيها لون احمر جميل بعد دخولها الفرن ثم ضعيها فى الفرن حتى يحمر وجهها
وبالهنا والشفا
وتقبل الله صيامكم
ليست هناك تعليقات:
إرسال تعليق