بسم الله الرحمن الرحيم السلام عليكم ورحمة الله وبركاته فيليه سمك بالفرن والجمبري المشوي خطوه بخطوه وبالصور أن شاء الله أطباقي تعجبكم واليوم جيبتلكم طبق فيليه سمك وجمبري المشوي خطوه بخطوه وبالصور ... ونبدأ بأذن الله باالصلاة على النبي المختار محمد(صلى الله عليه وعلى أهله وأصحابه وسلم).. المقادير: 5فيليه سمك ,,نص قالب زبده,فصين ثوم مدقوق ,بهارات(كمون ,ملح ,فلفل أسود). جمبري بقشره بس منظف ظهره,كزبرة خضراء مفرومه ,شرائح طماطم,ملعقه صلصه,ثوم ناعم,البهارات (فلفل أسود,كمون,ملح),قرن فلفل أخضر لو حبيتيه مفلفل جوانح بطاطس مع خضار مشكله. عصير ليمون. بهارالسي زون. بهار الفلفل الأسود مع اليمون. حطيت في زبديه قزازالجمبري والطماطم والكزبره الخضراء والثوم والصلصه والبهارات ورشه زيت زيتون. ورشه من بهار السي زون. خلطت كل المقادير مزبوط. غطيته بالنايلووحطيتها في التلاجه جاهزه لوقت الشوي. حطيت في زبديه قزاز الصوص ( الزبده والبهارات والثوم وعصير الليمون). حطيت رشه من بهار السي زون. خلطت كل المقادير مزبوط. غطيته بالنايلو وحطيتها في التلاجه جاهزه لوقت الشوي. حطيت في زبديه قزاز الصوص ( الزبده والبهارات والثوم وعصير الليمون). حطيت رشه من بهار السي زون. حطيت رشة من بهار الفلفل الأسود مع الليمون. رشيت صينيه بايركس بزيت الزيتون. رصيت الخضار المشكله والبطاطس في الصينيه. صبيت شويه من الصوص. رصيت فيليه السمك فوقها وصبيت الصوص على السمك والخضار ورشيت رشه من بهار السي زون. وقلبت السمك على الوجه التاني ورشيت عليه بهار السي زون. صبيت الصوص على الصينيه. ودخلتها الفرن على درجه حراره 450 فهرنهايت . ولمده تقريباً 20 دقيقه. وتعالو معايا بره نشوي الجمبري. رصيت الجمبري على الشوايه . كدا الجمبري خلص إستواء. وكمان صينه السمك أستوت وحمرت. وهنا قدمتها في صحن مع مكرونه وممكن تتقدم مع رز أو عيش . وهذا صحن مخصوص لعيونكم هذا شكل الصحن في النهاية ريحته وصلت للجيران وطعمه كان مره جنان. الموضوع الأصلي : فيليه سمك بالفرن والجمبري المشوي خطوه بخطوه وبالصور

المصدر منتديات الراقيات