فطور اليوم الثالث : بامية باللحمة الضانى

من اجمل والذ اللحوم " اللحم الضانى" ولكن عيبه انه ملئ بالدهون ولكن طعمه مع البامية لا يقاوم
معلهش هانعملها النهاردة وبلاش ريجيم
ودلوقت : نبدأ مع بعض  طريقة عمل البامية باللحم الضانى
المقادير

كيلو بامية مغسولة ومتقمعة
نصف كيلو لحم ضانى مقطعة ولوميزانيتك تسمح هات كيلو
بصلة متوسطة مقطعة قطعا صغيرة
10 فصوص ثوم مدقوقة 
عصير طماطم
فلفل اخضر حار( اختيارى)
عصير ليمونتين
ملح + فلفل +كمون+ مكعبين مرقة + رشه خفيفة من جوزة الطيب

الطريقة:
نضع الحلة التى سوف نطبخ فيها على النار وعندما تسخن نضع بداخلها ملعقة كبيرة من السمن ويفضل بلدى 
- نضيف البصل المقطع ناعم وقطعة من الفلفل الحار ونقلب البصل شوية
- عندما يدبل البصل نضيف الثوم ونقلبة بسرعة ثم نضيف قطع اللحم ونقلبهم مع بعض حتى يتغير لون اللحم يعنى يبيض شوية مش يتحمر
- نضيف عصيرالطماطم والملح والبهارات
ونغطى الحلة ونتركها تغلى حتى تستوى اللحمة
- نضيف البامية ونتركها على النار حتى تستوى ونلاحظ اننا كل شوية نشوفها حتى لا تحترق بسبب النار
عندما تستوى البامية نضيف عصير الليمون ونقلبها ونتركها تغلى ونغطى الحلة ونتركها تغلى غلوة بسيطة مش كثير
وبالهنا والشفا
وطبعا النهاردة الاكل كله بسيط علشان كده هانعمل صنف حلويات حلو



ليست هناك تعليقات:

إرسال تعليق